منطق میں قیاس اقترانی کی دو قسمیں جاتی ہیں جن میں سے پہلی اقترانی حملی  اور دوسری اقترانی شرطی کہلاتی ہے۔ اہل منطق نے قیاس اقترانی حملی کی چار اَشکال بیان کی ہیں جن میں سے پہلی شکل بدیہی اور واضح ہے جس میں حد اوسط نتیجہ میں اصغر کے اکبر کے ساتھ تعلق و ربط پر دلالت کرتی ہے۔ بقیہ تین اشکال چونکہ طبع سے دُور ہیں اس لیے ان کے اثبات کے لیے برہان کا سہارا لیا جاتا ہے۔ شکلِ دوم اور شکل سوم کے اثبات کےلیے تین قسم کی برہان سے اہل منطق نے استفادہ کیا ہے جن میں سے ایک دلیل افتراض ہے ۔ اس تحریر میں دلیل افتراض کو زیر بحث لایا گیا ہے جبکہ بقیہ دو سے صرفِ نظر کیا گیا ہے۔ شکل دوم اور سوم کے لیے درج ذیل تین براہین سے استفاد کیا جاتا ہے:

۱۔ طریقہ خلف                            ۲۔ دلیل افتراض                         ۳۔ طریقہ ردّ

دلیل افتراض:

دلیل افتراض کو قیاس افتراض اور برہانِ افتراض بھی کہا جاتا ہے۔ دلیل افتراض سے مراد یہ ہے کہ قیاس میں حدِ وسط نتیجہ کے اصغر کے بعض افراد پر حمل ہوتا ہے اور بعض افراد پر نہیں۔ حدِ وسط ’’اصغر‘‘ کے جن بعض افراد پر حمل نہیں ہو رہا اس کو جدا کر لیا جائے اور اس مجموعے کا خاص نام رکھ دیا جائے تاکہ اس کو جداگانہ طور پر ملاحظہ کیا جا سکے۔جب اصغر کے وہ افراد جن پر حد اوسط حمل نہیں ہوتا کو جدا کر لیں تو پھر انہیں قیاس کی شکل میں دوبارہ ڈھالیں ۔ اس کو ہم شکل دوم کی درج ذیل مثال سے سمجھ سکتے ہیں:

صغرى: ليس بعض الحيوان بإنسان.

كبرى: كل ناطق إنسان.

نتيجة: فليس بعض الحيوان بناطق.

اس مثال پر دقّت کریں تو معلوم ہو گا کہ یہ شکل دوم ہے کیونکہ شکلِ دوم کی دو اہم شرائط تھیں: ۱۔ کیفِ قضیہ میں اختلاف ہونا چاہیے ، ۲۔ کبریٰ کلی ہونا چاہیے۔ اس مثال میں صغریٰ سالبہ جزئیہ ہے اور شکلِ ثانی میں نہ صغری کے موجبہ ہونے کی شرط ہے اور نہ ہی کلی ہونے کی ۔ چنانچہ صغری سالبہ جزئیہ ہو سکتا ہے۔ اس مثال میں دوسری شرط بھی پوری ہے جوکہ کبری کا کلی ہونا ہے۔ مثال میں حدِ وسط صغری اور کبری ہر دو کا محمول بن رہا ہے جوکہ ’’انسان‘‘ ہے۔ انسان حد وسط ہے جوکہ حیوان کے تحت مندرج ہوتا ہے۔ چنانچہ نتیجہ میں اصغر صغری کا موضوع اور اکبر کبری کا موضوع قرار پائے گا :’’ فليس بعض الحيوان ناطق‘‘، اصغر: بعض الحیوان ہے اور اکبر: ناطق۔

اب ہم دلیل افتراض کے ذریعے شکل دوم کو شکل اول میں تبدیل کر دیں گے۔ ہم اسی نتیجہ ’’ فليس بعض الحيوان ناطق‘‘کو اٹھائیں گے جس میں ’’حیوان‘‘  حد اوسط سے اعم تر ہے۔ اوپر مثال پر دقت کریں تو نظر آئے گا کہ ’’انسان‘‘ حدِ وسط بن رہا ہے اور انسان کو حیوان سے نسبت دیں تو حیوان اعم اور انسان اس سے اخص تر ہے۔ چنانچہ حد وسط یعنی انسان کا اطلاق نتیجہ میں اصغر یعنی بعض حیوان پر نہیں ہو رہا ہے جس بناء پر ہم کہہ سکتے ہیں کہ اصغر کے بعض افراد حد اوسط کو شامل ہیں اور بعض افراد شامل نہیں ہیں۔ پس اس مثال میں حد وسط ’’انسان‘‘ اصغر کے بعض افراد جیسے فرس، اسد، ثعلب … وغیرہ پر حمل نہیں ہو رہا۔ اصغر کے جن افراد پر حد وسط منطبق نہیں ہو رہا ہم ان میں سے ایک فرد کو اٹھا لیتے ہیں، مثلاً فرس کو اٹھا لیتے ہیں جبکہ سورِ قضیہ’’ لیس بعض‘ ‘ تھا۔ اس طرف توجہ رہے کہ ’’لیس بعض‘‘ کا تعلق اصغر یا اکبر سے نہیں ہے کیونکہ سورِ قضیہ موضوع یا محمول کا جزء شمار نہیں ہوتے بلکہ قضیہ کے اوپر داخل ہوتے ہیں۔ لہٰذا ’’لیس بعض‘‘ اصغر کا جزء نہیں ہے۔

مثال کو ہم دوبارہ ملاحظہ کریں  کہ انسان حیوان کے بعض افراد کے ساتھ مباین ہے ، جیسے فرس۔ اگر انسان کی فرس سے نسبت کو دیکھا جائے تو ہم سالبہ کلیہ قضیہ بنا سکتے ہیں اور سورِ قضیہ کو بعض سے کلیہ میں تبدیل کر سکتے ہیں۔ چنانچہ کہا جائے گا:  ’’ لا شيء من فرس بإنسان‘‘۔ یہاں توجہ کرنے کی ضرورت ہے کہ ہم نے بعض حیوان سے ایک ایسے فرد کا انتخاب کیا جو حدِ وسط ’’انسان‘‘ سے مباین تھا اور اس کا نام ’’فرس‘‘ رکھ دیا۔ پھر فرس اور انسان میں تباین کو مدنظر رکھتے ہوئے ’’لیس بعض ‘‘ کو ’’ لا شیء ‘‘ یعنی سالبہ کلیہ میں تبدیل کر دیا۔

ہم نے خود ایک قضیہ کو فرض کر لیا جوکہ  ’’ بعض الحيوان فرس‘‘ سے عبارت ہے کیونکہ یہ ’’بعض حیوان‘‘ انسان کے ماتحت مندرج نہیں ہو رہا۔  ’’ بعض الحيوان فرس‘‘ کو ہم نے فرض کیا ہے۔اب ہم اس فرض کیے گئے قضیہ کو اوپر موجود سالبہ کلیہ کے ساتھ ضم کر دیں تو قیاس  کی شکل اول ہمارے سامنے آ جائے گی جس میں ہم ’’اخس المقدمتین‘‘ کے قانون  کے تحت نتیجہ لیں گے۔ پس قیاس کی شکل اول اور اس کا نتیجہ درج ذیل صورت میں ہمارے پاس آتا ہے:

صغرى: بعض الحيوان فرس.

كبرى: لا شيء من فرس بإنسان.

یہاں توجہ کیجیے کہ ہم تھوڑا سا تصرف کر کے انسان کی بجائے ’’ناطق‘‘ رکھ دیتے ہیں اور یہ وہی نتیجہ نکل رہا ہے جو شکل ثانی سے نتیجہ نکلا تھا۔ پس معلوم ہوا کہ دلیل افتراض کے ذریعے سے شکل دوم یا شکل سوم کو شکل اول کی طرف پلٹا جا سکتا ہے اور جب نتیجہ یکساں نکل رہا ہے تو یہ دلیل بن جاتا ہے کہ نتیجہ مطابقِ واقع ہے کیونکہ شکل اول واضح اور بدیہی طور پر نتیجہ دیتی ہے۔ ^[1]حشمت پور، درس برہان شفاء، ۱۴-۱۱-۹۴۔

شیخ رضا مظفر کی وضاحت:

منطق شیخ رضا میں دلیل افتراض کو قدرے تفصیل سے ذکر کیا ہے لیکن آغاز میں تحریر کیا کہ ہم اس دلیل کی وضاحت اس لیےکر رہے ہیں تاکہ طالب علم کا ذہن منطقی افکار سے منور ہو جائے۔ بعض شارحین نے دلیل افتراض کی شرح نہیں کی کیونکہ علوم میں دلیل افتراض استعمال نہیں ہوتی۔^[2]حیدری، سید کمال، شرح کتاب المطنق، ج ۳، ص ۲۲۶۔  اس کا زیادہ سے زیادہ استعمال شکل دوم اور شکل سوم کی نتیجہ دینے والی صورتوں پر اقامہِ برہان کی خاطر ہے۔ دلیل افتراض کے ذریعے سے ہم عکس اور طریقہِ خلف سے مستغنی و بے نیاز ہو جائیں گے۔شیخ رضا مظفر نے دلیل افتراض کے تین مراحل بیان کیا کیے ہیں:

۱۔ افتراض                   ۲۔فرض کے بعد دو صادق قضیہ کو اخذ کرنا               ۳۔ مطلوب کو حاصل کرنے کے لیے قضایا کو آپس میں ملانا

پہلا مرحلہ: افتراض:

دوسرا مرحلہ: دو صادق قضیوں کا استخراج:

قضیہ موجبہ کلیہ :

قضیہ کلیہ (موجبہ یا سالبہ) :

تیسرا مرحلہ: قضایا کو باہمی طور پر ملایا جانا:

نتيجة: فليس بعض الحيوان بفرس.