اس بات پر اشکال کیا گیا ہے کہ بہت سارے فقہی قواعد بھی ایسے ہی ہیں جنہیں قواعد اصولی کی طرح صرف فقہی  استفادہ کر سکتا ہے۔ اس قاعدہ کی حدود کا اور اس کی تطبیق کا علم صرف مجتہد ہی کو ہے ۔ اگر اس قاعدے کا مطلب عام مقلدین کو سمجھا بھی دیں تواس سے وہ استفادہ نہیں کر سکتے ہیں۔ محقق نائینی فرماتے ہیں کہ قواعد اصولی کا نتیجہ کلی ہوتا ہے اور جزئی نہیں ہو سکتا ہے اور ان قواعد کے برخلاف قواعد فقہیہ ہیں کہ جن کا نتیجہ جزئی ہوتا ہے۔اگر بالفرض کہیں پر کلی ہوا تو بھی  چند موارد میں ہوتا  ہے اور روسرے باب میں پھر جرئی ہوجاتا ہے۔ اصولی قواعد کو مجتہد استنباط  کے مقام پر استعمال کرتا ہے اور  اس سے نتیجہ لیتا ہے۔ پس قواعد فقہی اور اصولی میں یہ فرق ہوا کہ اصولی قاعدہ ہمیشہ ایک کلی حکم ہوتا ہے جس کا  خود اعمال سے تعلق نہیں ہوتا سوائے اس کے کہ استنباط کیا جائے،  جبکہ فقہی قاعدہ جزئی ہوتا ہے اورغالبًا اس کو استنباط کی ضرورت نہیں ہوتی ہے۔^[4] اس فرق پر اشکال وارد ہوتا ہے کہ فرق نہیں پڑتا کہ کلی افراد کے مقابلے میں ہے یا اشخاص کے مقابلے میں  یا کسی ایک باب سے مختص ہونے کے مقابلے میں ہے ہر صورت میں  ایسے قواعد فقہی موجود ہیں جن میں یہ  خصوصیات پائی جاتی ہیں۔ محقق خوئی نے قواعد اصولی اور فقہی میں دو فرق بیان کئے ہیں۔
۱۔ قواعد اصولی کو استنباط اور توسیط دے کر  استعمال کیا جاتا ہے جبکہ قواعد فقہی کو مصادیق پر تطبیق کرکے استفادہ کیا جاتا ہے۔
۲۔ اصولی قواعد کا نتیجہ کلی ہوتا ہے اور قواعد فقہی کا نتیجہ جزئی ہوتا ہے۔ ^[5]