حضرت ہود# نے جب قوم کو تبلیغ اور دعوت دینا شروع کی تو جہاں ہر نبی تدبیر فرماتا ہے اسی طرح آپؑ نے بھی مکمل تدبیر کے ساتھ اس وظیفہ کو انجام دیا۔ جناب ہود# نے اپنی قوم کو پورے معاشرے میں آشکار اور اعلانیہ طور پر پیغام دین اور درسِ توحید دیا۔ عمومًا لوگ سمجھتے ہیں کہ اگر ایک فرد یا ایک جماعت کو ہم درسِ توحید دے دیں اور ایک حلقہ میں صدائے حق بلند کر دیں تو یہ کافی ہے جبکہ جناب ہود# کے حالات سے معلوم ہوتا ہے آپ ؑ نے پورے معاشرے کو مخاطب کرکے توحید اور حق کا درس دیا۔ یہ معاملات اس وقت زیادہ پیچیدہ ہو جاتے ہیں جب معاشرے کے اعتقادات اور نظریات ایک طرف اور حق نظریہ ایک طرف ہو۔  کیونکہ اس صورت میں حق کے داعی کو انتہائی جرأت و شجاعت کا مظاہرہ کرنا پڑتا ہے اور پورے معاشرے کی مخالفت مول لینا پڑتی ہے۔ اس مخالفت کا نتیجہ قتل کی دھمکیاں، تمسخر و اہانت، تذلیل و رسوائی اور غربت و ضعف کی صورت میں نکلتا ہے۔ جناب ہود# کی قوم بت پرستی اور مختلف فسق و فجور میں مبتلا تھی۔ چنانچہ آپؑ کو جب پورے معاشرے کے سامنے اللہ تعالیٰ کی عبادت و پرستش کی صدائے حق بلند کرنا پڑی تو آپؑ نے تمام خطرات مول لیے اور کسی خوف و خطر کاشکار ہوئے بغیر پورے معاشرے کے سامنے اعلانیہ طور پر اللہ سبحانہ کی عبادت کی دعوت دی اور شرک کی نفی کی ۔ یقینًا اس کا نتیجہ تمسخر، اہانت، گالم گلوچ ، قتل و تشدد اور سختی و مشقت نکلنا تھا اور یہ خطرات جناب ہود# کو پیش آئے جن میں آپؑ نے کمال استقامت و پامردی کا مظاہرہ کیا۔قرآن کریم نے جناب ہود# کی اعلانیہ دعوت اور استقامت و شجاعت کو ان آیات میں بیان کیا ہے: