انسان کی زندگی میں بنیادی  چیز عقائد ہیں جو  انسان کی پوری ہستی سے تعلق رکھتے ہیں۔  اگر عقائد کو شکل و صورت دینا چاہیے تو ایک انسان کے تمام اعتقادات اور راسخ افکار اس کے اخلاق و عادات اور نفسانی ملکات کی شکل میں مجسم ہو کر سامنے آتے ہیں اور مادی جسمانی وجود میں اعمال کی صورت میں  ظاہر ہوتے ہیں، مثلاً ملکہِ سخاوت ہمارا  مثالی وجود ہو جو عملی  طور پر عطا کرنے کی صورت میں سامنے آتا ہے۔لہٰذا جو کتاب انسان کو صحیح طور پر متعارف کروانا چاہتی ہے، اسے انسانی وجود کے تینوں شعبوں   کو بخوبی پیش کرنا چاہیے اور ہر شعبہ  کے لیے ایک مناسب برنامہ کا اہتمام کرنا چاہیے ۔شرعی احکام افعال کے شعبہ میں قرار پاتے ہیں (حلال و حرام، کام کے آداب وغیرہ) جن میں سے بعض حرام و واجب ہیں تو بعض مکروہ اور مستحب۔احکام شرعیت  درحقیقت ایک طرح کا سافٹ ویئر ہیں جو ہمارے افعال کے دائرے میں نصب ہوتے ہیں۔احکام شرعی  دین کی ابتدائی سطح ہیں۔ دین کی درمیانی سطح اخلاقی آیات اور روایات ہیں جو انسان کے لیے اخلاقی صفات کی وضاحت کرتی ہیں اور ہر ایک کے لیے افراط ، تفریط اور اعتدال کو بیان کرتی ہیں۔ دین کا یہ پہلو ہماری مثالی پہلو کی اصلاح کی کوشش کرتا ہے تاکہ ان کی پابندی سے ہماری مثالی شکل انسانی اور نورانی ہو نہ کہ شیطانی شکل و صورت۔ اس سطح پر بھی ہمارے لیے اخلاقی واجبات اور محرمات ہیں جن کا خیال رکھنا ضروری ہے۔ ہمیں اخلاقی محرمات سے بچنا چاہیے اور اخلاقی حلال کی پابندی کرنی چاہیے تاکہ ہماری مثالی شکل انسانی ہو۔عقلی دین کا دائرہ کار ایک ایسا شعبہ ہے جہاں دین مخصوص پروگراموں کے ذریعے اس کی نگرانی کرتا ہے، تاکہ ہمارا عقیدہ درست ہو اور ہماری عقلی حقیقت کی صحیح تشریح ہو سکے۔اس لیے ہم انسان اور قرآن کریم   جو اس انسان کی رہنمائی کرنے والی کتاب ہے  دونوں کم از کم تین شعبوں پر مشتمل ہیں، جیسا کہ ہم نے بیان کیا۔اب سوال یہ ہے کہ انسان سازی کے بارے میں  کتاب (قرآن کریم ) میں یہ تمام داستانیں کیوں ہیں؟”